Psychoanalytic Autumn School

Psychoanalytic School – Kutaisi 2025 Containing Destructive Processes (in Psychoanalysis and in Society)

ფსიქოანალიტიკური სკოლა 2025

დესტრუქციულ პროცესებთან გამკლავება

ფსიქოანალიტიკურ სეანსზე და საზოგადოებაში

2–5 ოქტომბერი, 2025 — ქუთაისი, საქართველო

“შექმნა და განადგურება, სიყვარული და სიძულვილი ორი დამოუკიდებელი ინსტინქტი არ არის; ისინი საკუთარი ზღვარის გადალახვის ერთსა და იმავე სულიერ მოთხოვნილებაზე პასუხობენ, როდესაც შექმნის წყურვილი ვერ კმაყოფილდება, მაშინ განადგურების ნება იღვიძებს.”

„ადამიანისთვის, რამდენადაც მას ძალუძს საკუთარი თავის გადალახვა, საბოლოო არჩევანი დგას: ქმნა თუ განადგურება, სიყვარული თუ სიძულვილი.“

„როცა სიცოცხლისკენ სწრაფვა ჩახშობილია, განადგურებისკენ მიდრეკილება ძლიერდება; რაც უფრო სრულია სიცოცხლე, მით უფრო მცირდება დესტრუქციულობა. დესტრუქცია — განუხორციელებელი ცხოვრების შედეგია.“

— ერიხ ფრომი, გაქცევა თავისუფლებიდან

სკოლის შესახებ

საქართველოს ფსიქოანალიტიკური საზოგადოება საქართველოს ფსიქოანალიტიკური ფსიქოთერაპიის საზოგადოება ჰოლანდიისა და იტალიის ფსიქოანალიტიკური საზოგადოების წევრებთან ერთობლივად ატარებს ფსიქოანალიტიკურ სკოლას - დესტრუქციულ პროცესებთან გამკლავება ფსიქოანალიტიკურ სეანსზე და საზოგადოებაში და გეპატიჟებათ ქუთაისში

ქუთაისი ისე მიყვარს, რომ იქ არც მიცხოვრია. ერთ ღამეზე მეტი, გადაბმულად არც არასდროს გამითევია. დღემდე ვერ ავუღე ალღო ქალაქის გეოგრაფიას. ანუ, მარტო რომ შევიდე, ეგებ გასასვლელს ვეღარც ვუწიო. შესასვლელი ვიცი, მარცხნივ კვახჭირი დარჩება. ძველი შესასვლელიც ვიცი, ურიცკის ქუჩით. არსებობს ახლა ძველი შესასვლელი? ეგ სამწუხაროდ აღარ ვიცი.

ანდა რა მნიშვნელობა აქვს? ქუთაისში არ მიდიხარ ხოლმე გეოგრაფიის დასამახსოვრებლად. არასდროს. ქუთაისში მიდიხარ და მორჩა.

— აკა მორჩილაძე

როგორ ვუმკლავდებით აგრესიას, შფოთვასა და დესტრუქციულ იმპულსებს ფსიქოთერაპიულ სეანსზე? როგორ აისახება ეს პროცესი იმ საზოგადოებაში, სადაც წარსული ტრავმები დაუმუშავებელია, პოლარიზაცია კი — ყოველდღიური რეალობა? სემინარი ეძღვნება იმ გზებს, რომლებსაც ფსიქოანალიზი მიმართავს როგორც ინდივიდუალურ, ისე კოლექტიურ დესტრუქციასთან სამუშაოდ. ჩვენ განვიხილავთ დესტრუქციის კონტეინირების მნიშვნელობას სეანსსა და სოციალურ დინამიკაში. ფსიქოანალიზი არა მხოლოდ ინდივიდის შინაგანი სამყაროს შეცნობასა და მკურნალობას არამედ მეტად მნიშვნელოვან როლს ასრულებს იმ სოციალური პროცესების გააზრებაში, რომლებიც ხშირად გაუცნობიერებლად მოქმედებენ სოციალურ ჯგუფებსა და საზოგადოებაზე. არაცნობიერი მექანიზმები განსაზღვრავენ არა მხოლოდ პიროვნულ ტკივილებს, არამედ ასევე კოლექტიურ ქცევას; ფსიქოანალიზი არის ენა, რომელიც საშუალებას გვაძლევს გავიგოთ იმ მოტივების სიმბოლური ლოგიკა, რომლებიც ადამიანს უბიძგებს აგრესიისა და სისასტიკისკენ — ისევე როგორც იმ მოტივების სიმბოლური ლოგიკა, რომლებიც თითქოს რაციონალურ არჩევანზე მიუთითებენ, მაგრამ სინამდვილეში უგუნური და უაზრო ძალადობისკენ მიდიან. ფსიქოთერაპევტები, რომლებიც სიღრმისეულად ესმით თავიანთი პროფესია, კარგად აცნობიერებენ, რომ ინტეგრაციისკენ მოძრაობა — როგორც სუბიექტის შიდა სამყაროში, ისე ანალიტიკური წყვილის ურთიერთობაში — მხოლოდ იმ შემთხვევაში ხდება, თუ შევდივართ გაურკვევლობის, წინააღმდეგობებისა და პარადოქსების სივრცეში. ეს პროცესი ვერ მიიღწევა მათი გაკონტროლებით — პირიქით, საჭიროა მათში გარკვევა და ფსიქიკური „ჩაღრმავება“. პიროვნების იმ მიუღებელ ნაწილებთან დამეგობრების მცდელობა, რომელთა მიმართაც თავდაპირველად შიში ან უარყოფა გვაქვს — როგორც ჯოზეფ სენდლერი აღნიშნავდა — წარმოადგენს ფსიქიკური ცვლილების ფუნდამენტურ წინაპირობას. ასეთი ტიპის ცვლილება მხოლოდ ინდივიდუალურ დონეზე არ რჩება — ის ზეგავლენას ახდენს პიროვნების მიერ შენარჩუნებულ და განუწყვეტლივ ხელახლა აშენებულ სოციალურ ურთიერთობებზე.

სკოლის პროგრამა მოიცავს:

ლექციებს
კლინიკური შემთხვევების პრეზენტაციას
დისკუსიებს
მუშაობას ეთიკის საკითხებზე
კლინიკურ სემინარებსა და ჯგუფურ სუპერვიზიებს
კულტურულ ექსკურსიასა და ცეკვითთერაპიის საღამოს, რომელსაც ავსტრალიელი ცეკვის თერაპევტი გაუძღვება

დამსწრეები მიიღებენ მონაწილეობის დამადასტურებელ სერტიფიკატებს, სადაც აღნიშნული იქნება ტრენინგის საათების რაოდენობა.

სემინარის ენა: ინგლისური, ქართული, პარალელური თარგმანით

მომხსენებლები

იაპ უბელსი

ბავშვთა და ზრდასრულთა ფსიქიატრი; ჰოლანდიის ფსიქოანალიტიკური საზოგადოების ტრენინგ-ანალიტიკოსი და სუპერვიზორი

ჰოლანდიის ფსიქოანალიტიკური საზოგადოების ექსპრეზიდენტი.~, აღმოსავლური ევროპის ფსიქოანალიტიკური ინსტიტუტის წევრი; თეირანის ჰამ ავა ინსტიტუტის და ჩინურ-ამერიკული ალიანსის (CAPA) წევრი; არაერთი ფსიქოანალიტიკური ნაშრომის ავტორი. აღმოსავლეთ ევროპის ფსიქოანალიზის ინსტიტუტის წევრი და მასწავლებელი; დიდი წვლილი მიუძღვის ფსიქოანალიზის გავრცელებასა და განვითარებაში აღმოსავლეთ ქვეყნებში.

ლეონტინ ბრამეიერი

ტრენინგ ანალიტიკოსი და სუპერვიოზრი, ჰოლანდიური ფსიქოანალიტიკური საზოგადოება

საერთაშორისო ფსიქოანალიტიკური ასოციაციის (IPA) ტრენინგ-ანალიტიკოს და სუპერვიზორი; ჰოლანდიის ფსიქოანალიტიკური საზოგადოების წევრი. მისი კლინიკური მუშაობა ეფუძნება ზიგმუნდ ფროიდის, მელანი კლაინისა და ბრიტანული კლაინური სკოლის თეორიებს.ბოლო წლების განმავლობაში ის დიდ დროს უთმობს ახალგაზრდა ოჯახებთან მუშაობას და ჩვილზე დაკვირვებას. ის არის ჰოლანდიელი კლაინური ანალიტიკოსების ნაშრომების კრებულის ერთ-ერთი რედაქტორი და ავტორი.

ვოუტერ გომპერტსი:

ჰოლანდიელი ფსიქოანალიტიკოსი და კლინიკური ფსიქოლოგი

ჰოლანდიელი ფსიქოანალიტიკოსი და კლინიკური ფსიქოლოგი; საერთაშორისო ფსიქოანალიტიკური ასოციაციის (IPA) ტრენინგ-ანალიტიკოსი და ჰოლანდიის ფსიქოანალიტიკური ფსიქოთერაპიის საზოგადოების სუპერვიზორი. იგი ასწავლის ამსტერდამის უნივერსიტეტში და პრაქტიკას ეწევა ნიდერლანდების ფსიქოანალიზის ინსტიტუტში. ამჟამად მუშაობს ფსიქოანალიზისა და ეთნიკური/კულტურული გამოცდილების გადაკვეთაზე ფოკუსირებულ კვლევით პროექტებზე

ხათუნა ივანიშვილი

ფსიქოანალიტიკოსი და ფსიქოთერაპევტი, საერთაშორისო ფსიქოანალიტიკური ასოციაციის (IPA) პირდაპირი წევრი

საქართველოს ფსიქოანალიტიკური საზოგადოების პრეზიდენტი, საქართველოს ფსიქოანალიტიკური ფსიქოთერაპიის საზოგადოების თანადამფუძნებელი და სასწავლო ჯგუფის ხელმძღვანელი, მისი პრაქტიკა და კვლევა ფოკუსირებულია ტრავმაზე, აგრესიასა და სოციალურ-კულტურულ ფენომენებზე. მონაწილეობს საერთაშორისო კონფერენციებში როგორც სპიკერი, აქვს პუბლიკაციები ფსიქოანალიტიკურ გამოცემებში, უძღვება ტრენინგ-კურსებს.

ნინო სესიაშვილი

საერთაშორისი ფსიქოანალიტიკური ასოციაციის (IPA) პირდაპირი წევრი,

საქართველოს ფსიქოანალიტიკური ფსიქოთერაპიის საზოგადოების ზრდასრულთა სექციის კოორდინატორი, საქართველოს ფსიქოანალიტიკური საზოგადოებისა და საქართველოს ფსიქოანალიტიკური ფსიქოთერაპიის საზოგადოების თანადამფუძნებელი და სასწავლო ჯგუფის წევრი, უძღვება ვინიკოტის სემინარებს.

ნონა ნაკაშიძე

ფსიქიატრი და ფსიქოანაილიტიკოსი

საერთაშორისო ფსიქოანალიტიკური ასოციაციის (IPA) კანდიდატი, საქართველოს ფსიქოანალიტიკური საზოგადოებისა და საქართველოს ფსიქოანალიტიკური ფსიქოთერაპიის საზოგადოების წევრი.

ემანუელა კაგლიატა

ტრენინგ ანალიტიკოსი, Cowap-ის ევორპის კომიტეტის პრეზიდენტი

იტალიის ფსიქოანალიტიკური ასოციაციის ტრენინგ ანალიტიკოსი, თავისტოკის ინსტიტუტის მასწავლებელი, ფსიქოანალიტიკური ნაშრომების რედაქტორი. ბავშვთა ფსიქოთერაპიისა და კვებითი აშლილობების ექსპერტი. (ფსიქოანალიზი და ქალები COWAP) ევროპის კომიტეტის პრეზიდენტი

დეტალური პროგრამა

ლექციები და პრეზენტაციები:

პერვერსიული პროცესები ფსიქოანალიზში. – იაპ უბელსი (ამსტერდამი)
„სიძულვილის განდიდება: გაუკუღმართებული პოლიტიკური სტილი და გახლეჩის დინამიკა პიროვნებაში და პიროვნებებს შორის“ – ვოუტერ გომპერტსი (ამსტერდამი)
თავისუფლებისაკენ სწრაფვის კომპულსიური განმეორება. – ხათუნა ივანიშვილი (თბილისი)
კლინიკური შემთხვევის განხილვა – ლეონტინ ბრამეიერი (ჰოლანდიის ფსიქოანალიტიკური საზოგადოება)
კლინიკური შემთხვევის განხილვა – ემანუელა კაგლიატა (იტალიის ფსიქოანალიტიკური საზოგადოება)
ვორკშოპი: ეთიკის საკითხები თერაპიული მუშაობისას, თერაპიული ეთიკის საკითხები - ნინო სესიაშვილი, ნონა ნაკაშიძე (საქართველოს ფსიქოანალიტიკური საზოგადოება)

პროგრამა

„დესტრუქციული პროცესების დაჭერა ფსიქოანალიზში და საზოგადოებაში“
📍 2–5 ოქტომბერი, 2025 • ქუთაისი, საქართველო

📅 2 ოქტომბერი, ხუთშაბათი

დრო	ღონისძიება
14:00	ჩასვლა ქუთაისში, სასტუმრო სოლომონში განთავსება
–––	დასვენება, თავისუფალი დრო (ზუსტდება)
20:00	პროგრამის პრეზენტაცია ოფისში „ღია სახლი“ ღვინო, ცეკვის თერაპია

📅 3 ოქტომბერი, პარასკევი

დრო	ღონისძიება
08:30–09:00	მონაწილეთა რეგისტრაცია
09:00–09:30	მისასალმებელი სიტყვები
09:30–11:00	ლექცია: პერვერსიული პროცესები ფსიქოანალიზში სპიკერი: იაპ უბელსი • დისკუსანტი: დიანა პიპინაშვილი • თავმჯდომარე: თამარ აზმაიფარაშვილი
11:00–11:30	ყავის შესვენება
11:30–13:30	დისკუსია აუდიტორიასთან ლექციის ირგვლივ
13:30–14:30	ლანჩი
14:30–16:00	ვორქშოპი ფსიქოთერაპიული ეთიკის საკითებზე ნინო სესიაშვილი, ნონა ნაკაშიძე
16:00–18:00	ექსკურსია ქუთაისში (წინასწარ რეგისტრაციით)
20:00–21:00	სუპერვიზიები მცირე ჯგუფებში

📅 4 ოქტომბერი, შაბათი

დრო	ღონისძიება
09:00–10:30	მოხსენება: სიძულვილის განდიდება მომხსენებელი: ვაუტერ გომპერტსი • თავმჯდომარე: ნინო სესიაშვილი
10:30–11:30	დისკუსია აუდიტორიასთან
11:00–12:30	ყავის შესვენება
12:30–14:00	სუპერვიზიები მცირე ჯგუფებში
14:00–15:00	ლანჩი
15:30–17:00	კლინიკური შემთხვევის პრეზენტაცია — ლეონტინე ბრამეიერი დისკუსანტი: (ზუსტდება)
20:00–21:30	ხათუნა ივანიშვილის პრეზენტაცია: “თავისუფლებისაკენ სწრაფვის კომპულსიური განმეორება”

📅 5 ოქტომბერი, კვირა

დრო	ღონისძიება
09:00–10:30	მოხსენება — მოსაზრდის კლინიკური შემთხვევა ემანუელა კვალიატა • თავმჯდომარე: ხათუნა ივანიშვილი • დისკუსანტი: (დინა ანთელავა?)
10:30–11:30	დისკუსია აუდიტორიასთან
11:30–12:00	ყავის შესვენება
12:00–13:30	სუპერვიზიები მცირე ჯგუფებში
13:30–14:30	გამოსამშვიდობებელი ლანჩი და დასრულება
–––	ექსკურსია მოწამეთას მონასტერში (წინასწარ რეგისტრაციით)